Ronaldo ka iya komawa real madrid

Main Labarai LABARAIWASANNI Ana rade-radin Cristiano Ronaldo ya na son ya koma Real Madrid a day ago 3518 views by  Muhammad Malumfashi Jita-jita ta na yawo cewa akwai yiwuwar Cristiano Ronaldo ya bar kungiyarsa ta Juventus, ya tattara ya koma kungiyar Real Madrid da ya bari a shekarar 2018. Tauraro Cristiano Ronaldo ya dawo Birnin Madrid a Ranar Lahadi inda ya shiga cikin ‘yan kallo na babban wasan El-Clasico da kungiyarsa ta da, ta buga da Barcelona. Rahotanni sun ce ‘Dan wasan Duniyan ya na da burin komawa kungiyar Real Madrid. Wani na-kusa da Cristiano Ronaldo mai suna Edu Aguirre ya bayyana wannan. Edu Aguirre ya ce Ronaldo ya na da burin komawa kungiyar Real Madrid da ya bari shekaru kusan biyu da su ka wuce bayan ya kafa irin tarihin da za a dade ba a karya ba. Aguirre ya bayyana cewa dawowa filin Santiago Bernabeu da Ronaldo ya yi domin ya kalli wasan El-Clasico ya nuna cewa har gobe kungiyar na cikin zuciyar ‘Dan wasan. KU KARANTA: Cristiano Ronaldo ya kalli wasan El-Clasico a Santiago Bernabeu Cristiano Ronaldo zai so ya koma taka leda a Real Madrid Source: Getty Images A cewar Edu Aguirre: “Na tabbatar da cewa Cristiano Ronaldo ya na da sha’awar sake dawowa Real Madrid.” Aguirre ya fadawa Gidan talabijin na Chiringuito wannan. “Ya ji kaunar da ya ke yi wa Madrid a jikinsa lokacin da ya dawo filin wasan Santiago Bernabeu.” Inji Aguirre wanda ya na cikin Na-kusa da ‘Dan wasa Cristiano Ronaldo. Ana zargin cewa tabarbarewar alakar Ronaldo da shugaban Real Madrid watau Florentino Perez a karshen zamansa ne ya sa ‘Dan wasan gaban ya koma kungiyar Juventus. ‘Dan wasan na Portugal ya ci kwallaye 450 a Madrid. A makon jiya an ga Ronaldo ya na murna a lokacin da Real ta ci Barcelona, wanda hakan ya tado jita-jitar dawowarsa. Read more: https://hausa.legit.ng/1307879-ana-rade-radin-cristiano-ronaldo-ya-na-son-ya-koma-real-madrid.html